Humbja e rëndë 1-6 javën e kaluar nga Totenhemi duket se ka nxjerrë në dritë përplasjet e brendshme në kampin e Mançester Junajtid.
Futbollisti Bruno Fernandes u ka bërtitur shokëve të skuadrës dhe trajnerit Ole Gunar Solskjaer në tunelin e “Old Traffordit” pas përfundimit të pjesës së parë. Tabloidi britanik “Mirror” shkruan se portugezi është ndjerë i pakënaqur me taktikat e trajnerit të tij ndërsa iu është drejtuar me tone të larta shokëve të ekipit që një degradim i tillë nuk duhej të ndodhte.
Për rrjedhojë, në pjesën e dytë Solskjaer e uli në stol.
“Ai ishte i tërbuar dhe një vetëtimë i përshkoi fytyrën kur hyri në tunel. Pastaj iu drejtua shokëve të skuadrës duke i kritikuar se nuk dinë të respektojnë emrin e Mançester Junajtid Fernandes bërtiste: ‘Supozohet se jemi Mançester Junajtid, kjo nuk duhej të ndodhte’. Ishte e qartë që trajneri i tij u vu në vështirësi sepse po gabonte me taktikën. Kishte dhe disa të tjerë që ngritën zërin, por zëri kryesor isht Fernandes”, shkruan “Mirror”.