Sulmuesi Kylian Mbappe duket se është i destinuar të shkojë te skuadra e Real Madridit. Ekipi spanjoll e dëshiron lojtarin francez që e dëshiron me çdo kusht kalimin te madrilenët.
Mbrojtësi Adil Rami beson se 21-vjeçari do të vihet në dispozicion të trajnerit Zinedine Zidane. Ai ka shprehur mendimin e tij në një intervistë për RMC Sport. Futbollisti ka luajtur te kombëtarja e Francës me Mbappen.
“Quajeni të mbaruar kalimin e Mbappe te Reali. Bisedimet me PSG në lidhje me rinovimin nuk po përparojnë dhe unë mendoj se transferimi në Madrid është çështje e kryer. Rinovimi me PSG (kontrata i përfundon në verën e vitit 2022) është një temë që e bezdis Kylian, ai nuk bisedon për diçka të tillë me agjentin e tij apo drejtuesit e klubit.
“Kur bezdiset nga kjo gjë, do të thotë që ai nuk dëshiron ta dëgjojë fare si temë. E ardhmja e tij është hartuar e gjitha dhe është e trishtueshme për tifozët e PSG-së, madje edhe për Ligue 1 fakti që Mbappe do të largohet“, – tha Rami.
