Zyrtarizimi i Kris Smollingut si lojtar i Romës është kthyer në ankth për drejtuesit verdhekuq. Teksa merkatoja në Itali ka përfunduar në orën 20:00, Federata Italiane thekson se dokumentat për federimin e anglezit si lojtar i Romës kanë mbërritur në kohë.
Ngërçi po krijohet nga Liga Italiane, e cila ende nuk ka konfirmuar nëse lojtari është regjistruar brenda afatit.
Roma pagoi 15 milionë euro për kartonin e Smolling te Mançester Junajtid, por vonesat burokratike mund t’i krijojnë një problem të madh verdhekuqve.
