Futbollisti i ri i Napolit Viktor Osimhen tregoi për herë të parë fëmijërinë e vështirë në Nigeri. 21-vjeçari tregoi për kanalin televiziv të klubit të kaltër se është detyruar të shiste ujë për të mbajtur familjen teksa e ëma vdiq herët dhe i bati mbeti pa punë.
“Jeta ime ka qenë e vështirë, nuk ka patur asgjë që të pëlqeja. Nëna ime vdiq kur isha i vogël, 3 muaj më vonë babai mbeti pa punë. Ka qenë një kohë e vështirë për mua, vëllezërit dhe motrat e mia. Duhej të shisja ujë rrugëve të tejmbushura të Lagosit në mënyrë që të mbijetoja. Nigeria është një vend ku askush nuk të thotë se duhet të besosh në vetvete”, tregoi futbollisti i Napolit.
“SHISJA UJË PASI MË VDIQ NËNA”/ Futbollisti i ri i Napolit: Më duhej të mbaja motrat dhe vëllezërit e mi
