Sulmuesi i Interit Romelu Lukaku është diagnostikuar me dëmtim pas ndeshjes së fundit në Ligën e Kampioneve me Shakhtar Donetskun. Klubi italian njoftoi se pas analizave mjekësore, futbollisti belg ka dëmtuar aduktorët e kofshës së majtë.
Për rrjedhojë, rikuperimi i kushton ndeshjen me Parmën në fundjavë në kampionat, por ekziston frika se ai mund të humbasë dhe takimin me Realin ditën e martë.
“Romelu Lukau iu nënshtrua një kontrolli në Institutin mjekësor të Roxanos pas problemeve që ndjeu në sfidën me Shakhtar Donetskun në Ligën e Kampioneve. Ai ka lënduar aduktorët e kofshës së majtë. Gjendja e tij do të vëzhgohet ditë pas dite”, shkruhet në njoftimin e Interit.
