Situatë aspak e qetë te Juventusi! Mediat italiane zbulojnë së pak ditë më parë disa lojtarë të Juventusit thyen karantinën, që duhej të ndiqnin, pasi ishin identifikuar pozitivë me Koronavirus dy anëtarë të klubit bardhezi. Mes “rebelëvë” ishte edhe ylli portugez Kristiano Ronaldo.
Sipas “La Gazzetta dello Sport”, CR7 ishte i pari që la izolimin, teksa mësohet se u ka ngritur zërin drejtuesve, të dielën në mbrëmje, para të gjithë shokëve të tij të skuadrës.
Kur u njoftua se do të qëndronte në izolim, Ronaldo e konsideroi absolutisht të padrejtë këtë vendim, pavarësisht një tamponi të parë negativ.
Ai ishte i pari që vendosi të merrte përgjegjësinë personale, i ndjekur nga të tjerët. Të dielën, qëndroi në banesën e tij në Torino, kurse të hënën fluturoi drejt Portugalisë, për t’iu bashkuar përfaqësueses luzitane në sfidën ndaj Spanjës.
