Cristiano Ronaldo ishte shumë afër nënshkrimit me Arsenalin. Një sfond i mirënjohur i merkatos në botën e futbollit, por që sa herë që tregohet nga Arsene Wenger, ish-trajneri historik i “Topçinjve” e bën të qartë se si skuadra londineze ishte me të vërtetë një hap larg marrjes së pesë herë fituesit të “Topit të Artë”. Duke folur për “The Guardian”, ish-trajneri francez zbuloi detaje të mëtejshme të atij negocimi që nuk ishte i suksesshëm:
“Kishim një marrëveshje me Sporting Lisbona, ne kishim mbyllur gjithçka. Pastaj Manchester United na kaloi në ofertë dhe ne vuajtëm forcën financiare të “Djajve të Kuq”. Ata e mbyllën shpejt marrëveshjen. Cristiano Ronaldo tashmë e kishte fiksuar fanellën (numrin) tek Arsenali. Mbaj mend që unë, gjithashtu, hëngra drekë me të dhe nënën e tij në qendrën sportive…”
