Interi ka rikthyer interesin për mbrojtësin e Çelsit, Markos Alonso me zikaltërit që duan ta marrin në huazim me të drejtë blerjeje por ekipi londinez kërkon të shesë përfundimisht lojtarin. 29-vjeçari e ka humbur vendin e titullarit tek Çelsi nën drejtimin e Frenk Lampardit.
Spanjolli kërkon të largohet dhe Interi do tentojë ta afrojë në skuadër siç bëri edhe në janar. Trajneri i zikaltërve, Antonio Konte pëlqen edhe mbrojtësin tjetër të Çelsit Emerson Palmierin, por klubi italian duhet të nxitojë pasi merkatoja mbyllet të hënën, me 5 tetor.
