Ish-sulmuesi i Kukësit, Enis Gavazaj nuk ka vonuar shumë për të gjetur ekip pas largimit nga verilindorët.
Futbollisti ka vendosur të vazhdojë karrierën e tij në Kosovë, teksa do të luajë për skuadrën e Prishtinës. Lojtari ka firmosur ditën e sotme me klubin kosovar dhe sezonin e ri do të jetë pjesë e kryeqytetasve.
Merkato në Kosovë është mbyllur, por Gavazaj si lojtar lirë dhe pa kontratë që ishte kishte të drejtën të firmoste me një skuadër dhe ka vendosur që të vazhdojnë te Prishtina.
Bëhet fjalë për një rikthim të 25-vjeçarit te Prishtina, aty ku ai luajti deri në vitin 2013, për të kaluar më pas te belgët e Gent, ndërkohë që në Superiore ka luajtur me Skënderbeu dhe sezonin e fundit me Kukësin.
