Në vitin 2010, mesfushori me origjinë shqiptare , Panajotis (Gjergji) Kone i lindur në Tiranë, zgjodhi të luajë me Greqinë, duke debutuar me ta pikërisht në vitin 2010.
Një vendim ky që nuk u prit aspak mirë nga tifozët shqiptar, që dëshironin ta shikonin në Kombëtaren kuqezi. Megjithatë Kone e bëri zgjedhjen e tij dhe me Greqinë zhvilloi 28 ndeshje, ku arriti të shënojë edhe dy gola.
Gjithashtu ai ka pasur edhe një karrierë të mirë, teksa ka luajtur për klubet e njohura të Serisë A, si Fiorentina, Udineze, Bolonja dhe Bresha. Sezonin e fundit, Kone ishte pjesë e Uestern Junajtid në Austri, teksa tashmë ka vendosur të tërhiqet nga futbolli në moshën 33-vjeçare.
Diçka e pa pritur nga futbollisti, që ka vendosur t’i thotë “mjaft” futbollit të luajtur nga dita e djeshme. Kone e nisi karrierën e tij me të rinjtë e Olimpiakosit, të kaluar më pas te AEK-u dhe Iraklis, para se të transferohej në Serinë A.
