Ardian Ismajli debutoi dje në Serie A. Ai u hodh në fushë për pak minuta, në vend të Claudio Terzi 88′, por kaq i mjaftoi të dyluftonte me Cristiano Ronaldon. Madje, fotografët kanë bërë një foto, të cilën një familjare e mbrojtësit tonë të kombëtares e ka hedhur në rrjetet sociale, duke u mburrur me të: “Dikur këtë moment vetëm e ke ëndërruar, sot gjendesh përballë kësaj ëndrre. Shumë krenar për ty”. Edhe ne i urojmë suksese Ardianit në kampionatin italian, ku u transferua kësaj vere dhe vazhdimësi aktivizimi te Spezia.
