Ai u largua nga Juventusi katër vjet më parë, por në botën e Juventusit mirënjohja për Simone Padoin nuk është zbehur kurrë.
Përkundrazi: çdo kryqëzim në “Stadium” ishte një ortek duartrokitjesh dhe korësh, si dhe dashurie reciproke në çdo mënyrë.
Dhe kështu, kur mesfushori njoftoi tërheqjen e tij nga futbolli, një valë e dashurisë e pushtoi këtë simbol të Juventusit.
“Ishte mirë të përjetonim kaq shumë emocione të shkëlqyera së bashku! Faleminderit për gjithçka, Simone Padoin dhe fat të mbarë për aventurat tuaja të rradhës!”, postoi klubi kampion Italian menjëherë duke publikuar një video me dhjetë arsyet pse duhet ta duam Padoin, “Sepse dikush si ti nuk harrohet”.
Jo gjithmonë ndodh dhe mbi të gjitha nuk ndodh me këtë intensitet.
E lehtë të imagjinohet emocioni dhe lumturia e “Talismanit”, ende i mbiquajtur nga shokët e tij të skuadrës dhe tifozët e Juventusit.
“Kishte nga ata që më prekën para ndeshjeve – buzëqesh Padoin -, duke thënë se isha në formë të mirë. Ishte një gjë e bukur dhe akoma sot, kur dëgjoj disa ish-shokë, ka nga ata që më quajnë hajmali”.
Ato 5 kampionate të fituara në 5 vjet janë më shumë sesa thjesht një titull: arriti në janar 2011 nga Atalanta, i dëshiruar fuqimisht nga Antonio Conte, menjëherë i pushtoi të gjithë me përulësinë dhe disponueshmërinë e tij.
“Nëse arrita majat i detyrohem karakterit, pasionit dhe zellit që më shoqëroi në profesionin tim. Nëse dikush dëshiron fort diçka – shtoi ish-futbollisti, i cili tani po studion për t’u bërë trajner në ekipet e të rinjve “në fund ai mund ta arrijë atë”.
Dhjetë trofe në pesë sezone, ka edhe dy kupa italiane dhe tre Super Kupa përveç 5 titujve që ai ka mbledhur, duke luajtur 107 ndeshje në të gjitha kompeticionet me 3 gola të shënuar.
