Barcelona ruan kreun e grupit dhe tashmë shkon 9 pikë të plota, pasi sonte mundi Dinamo Kiev jo pa siklet. Skuadra e drejtuar nga Koeman hapi gjithçka shpejt me Leo Messin që fitoi penallti dhe shënoi.
Më pas, Ter Stegen protagonist me superpritje duke shmangur 1-1 dhe në pjesën e dytë Ansu Fati me një krosim të bukur gjeti kokën e Pique që realizoi.
Dinamo Kiev nuk u dorëzua dhe gjeti golin e 2-1 me anë të Tsyganov por me gjithë dëshirën për të barazuar, nuk arriti dot të merrte pikë në “Camp Nou”.
Për t’u theksuar edhe një goditje dënimi shumë e bukur nga Messi, e cila u ndal nga superpritja e portierit kundërshtar.