Champions League Futboll Sport

CHAMPIONS/ Chelsea mposht Rennes “falën” Dalbert, Sevilla realizon merekullinë me 10 lojtarë

Chelsea ka mundur 3-0 Rennes në shtëpi dhe ka marrë fitoren e dytë radhazi në Grupin  E të Champions League.

Fitorja e Bluve është lehtësuar nga mbrojtësi i kundërshtarëve Dalbert. Lojtari i huazuar nga Inter-i te francezët ka shkaktuar dy penallti në pjesën e parë dhe ka lënë skuadrën me 10 lojtarë.

Të dyja penalltitë janë transformuar nga Werner, që është bërë lojtari i parë gjerman që shënon dy penallti në një ndeshje të Kupës së Kampionëve/Champions League që nga Lothar Matthaus me Bayern Munich kundër Real Madrid në 1987-ën.

Goli i tretë i londinezëve është realizuar nga Abraham.

Fitore e çmendur për Sevilla-n, që ka mundur 3-2 me përmbysje dhe me 10 lojtarë në shtëpi Krasnodar-in. Rusët kanë siguruar një avantazh të dyfishtë me një goditje dënimi magjike të Suleymanov dhe një penallti të Berg.

Rakitic ka ngushtuar diferencat për spanjollët pak para se Navas të ndëshkohej me karton të kuq në fundin e pjesës së parë dhe t’i linte vendasit me një lojtar më pak.

Në pjesën e dytë ka ardhur përmbysja e madhe falë dy golave në tri minuta të En Nesyri.

Chelsea dhe Sevilla kryesojnë Grupin E me nga shtatë pikë. Pas tyre vijnë Krasnodar dhe Rennes me nga një pikë.

Related posts

Kane, Sane, Rashford, të nominuarit për lojtarin e ri më të mirë në Premier League

Sadik.Autor

PAS VENDIMIT TË PAPRITUR/ Valencia gjen zëvendësuesin e Marcelinos, nënshkruan me… (FOTO)

Delo.autor

KJO NUK PRITEJ/ Fundi i një epoke, LEGJENDA angleze i thotë lamtumirë futbollit (FOTO)

Isa.Autor

Leave a Comment