Borussia Dortmund ka mundur 3-0 Club Brugge në shtëpi dhe tani kryeson Grupin F të Champions League me nëntë pikë.
Heroi i ndeshjes ka qenë i përhershmi Erling Haaland, autor i një dygolëshi (18′, 60′). Goli tretë i verdhezinjve është shënuar nga Jadon Sancho (45′).
Gjiganti norvegjez tani kryeson renditjen e golashënuesve të këtij edicioni të Champions League me 6 gola.
Fitore edhe për Lazio-n, që ka mundur 3-1 në shtëpi Zenit-in në Olimpico. Protagonisti i ndeshjes ka qenë Immobile me dy gola (3′, 55′ pen.). Parolo (22′) ka qenë autori i golit të dytë të lacialëve, ndërsa Dzyuba (25′) ka shënuar golin e vetëm të rusëve.
Bardhekaltrit mbajnë vendin e dytë me tetë pikë.
