Ole Gunar Solskajer është shumë afër shkarkimit nga drejtimi i Mançester Junajtidit. Rezultatet negative në kampionat, aty ku skuadra renditet në vendin e 15-të dhe disfata e fundit në Champions ndaj Istanbul Basaksehir, e kanë mbushur kupën.
Tashmë drejtuesit kanë marrë vendimin për të larguar Solskjaerin nga drejtimi i skuadrës dhe aty të emërojnë një trajner tjetër. Junajtid ka nisur bisedimet me ish-trajnerin e Totenhemit, Mauricio Poçetino.
Palët janë në kontakte dhe është argjentinasi trajneri i zgjedhur për drejtimin e skuadrës, por ende nuk e ka dhënë përgjigjen përfundimtare, e cila pritet të vijë shumë shpejt.
Mediat britanike shkruajnë se Solskjaer do të shkarkohet shumë shpejt, por kjo do të ndodhë pas ndeshjes me Evertonit në kampionat, e programuar për këtë fundjavë.
