Gjashtë gola dhe dy asiste me fanellën e Juventus-it nga kthimi i tij te bardhezinjtë për Alvaro Morata-n, që ka shkuar në Torino me më shumë eksperiencë në krahasim me aventurën e parë.
Sulmuesi ka fituar një vend në formacionin titullar me Spanjën, duke shënuar edhe në fitoren e thellë të marrë kundër Gjermanisë.
Klubi bardhezi është bindur dhe tani do të kërkojë të arrijë marrëveshjen me Atletico Madrid për ta blerë përfundimisht lojtarin.
Presidenti i Colchoneros, Enrique Cerezo, ka qenë i qartë në lidhje me këtë çështje:
“E adhuroj sepse e meriton, shikoni si lufton për të shënuar. Tani duket se ka gjetur rrugën e duhur. Është një lojtar i Atletico Madrid në huazim për dy vite tek Juventus, që ka një opsion për ta blerë. Nëse do të duan ta blejnë, do të duhet ta paguajnë”.
