Kërkesat e çmendura të David Alaba-s (20 milionë euro në momentin e nënshkrimit të kontratës dhe 20 milionë në sezon) kanë frikësuar Bayern-in, që ka ndërprerë negociatat për rinovimin e kontratës së austriakut që skadon në qershor.
Mbrojtësi do të jetë i lirë të arrijë një marrëveshje me një ekip të ri duke filluar nga janari dhe, sipas Kicker, PSG duket se është skuadra në avantazh për të siguruar shërbimet e lojtarit.
Klubi francez, ndryshe nga Real Madrid, duket se nuk ka probleme të plotësojë kërkesat e Alaba-s. Chelsea (që duket se nuk ka ndërmend t’i ndalë shpenzimet e çmendura në merkato), Manchester City dhe Juventus janë ekipet e tjerë të interesuar, por nuk përjashtohet fundi me surprizë, me futbollistin që mund të vendosë të qëndrojë në Gjermani.
