Ndryshime në listën e Kombëtares! Nëpërmjet një njoftimi në faqen zyrtare, klubi i Partizanit, ka konfirmuar se kuqezinjve i është bashkuar edhe portieri Alban Hoxha.
Gardiani i skuadrës së Superiores, nuk ishte fillimisht pjesë e listës, teksa trajneri Reja, grumbulloi fillimisht Strakoshën, Berishën dhe të riun Mollën. Ende nuk është qartësuar se cili prej portierëve nuk do të jetë i gatshëm për 3 sfidat e muajit tetor.
NJOFTIMI I PARTIZANIT:
ALBAN HOXHA PJESË E EKIPIT TONË PËRFAQËSUES PËR TAKIMET NDAJ ARMENISË, KAZAKISTANIT DHE LITUANISË
Alban Hoxha përfshihet në listën e lojtarëve të ekipit tonë përfaqësues për miqësoren ndaj Armenisë në 7 Tetor dhe dy ndeshjet zyrtare eliminatore të Ligës së Kombeve, ndaj Kazakistanit dhe Lituanisë në program në 11 dhe 14 Tetor. Kapiteni ekipit do të jetë përfaqësuesi i kuq në seleksionin kuqezi të përzgjedhur nga traineri Eduardo Reja. Klubi i uron shumë suksese Alban Hoxhës me fanelën e ekipit tonë përfaqësues.
