Tani më nuk është çështje ditësh, por çështje orësh që Cesare Prandelli të jetë trajneri më i ri i Fiorentinës.
Pas ecurisë negative të Bepe Jakinit në pankinën “vjollcë”, ku në 5 sfidat e fundit ka arritur të fitojë vetëm 1 dhe duke e renditur skuadrën në vendin e 12, Jakini i ka orët e numëruara në stolin e Fiorentinës.
Ish-trajneri i kombëtares italiane Prandeli është i gatshëm të rikthehet tek stoli i Fiorentinës pas aventurës së tij 5 vjeçare në vitet 2005-2010 si teknik i skuadrës nga Firence.
63-vjeçari ndodhet pa klub pas aventurës së tij të fundit në Serinë A me skuadrën e Xhenoas.