Që për Ansu Fati ajo që ndodhi të shtunën kundër Betis ishte një dëmtim i rëndë u kuptua menjëherë. Vetë Barcelona kishte komunikuar shpejt diagnozën: këputjen e meniskut të brendshëm të gjurit të majtë.
Risi është se për çudinë e re Blaugrana u vendos që të operohej sot, pa pritur më gjatë.
Operacioni në meniskin e Ansu Fati u krye nga profesori Ramon Cugat dhe ishte krejtësisht i suksesshëm.
Për 18-vjeçarin, kohët e shërimit pritet të jenë rreth 4 muaj. Prandaj Fati do të humbasë pjesën e dytë të fazës së grupeve të Ligës së Kampionëve, duke përfshirë ndeshjen kundër Juventusit në Camp Nou, dhe do të kthehet në dispozicion të Ronald Koeman rreth mesit të marsit.
Trajneri humbetnjë lojtar me pesë gola dhe dy asistime në 10 paraqitje sezonale midis Ligës dhe Champions për një kohë të gjatë, me rekordin e të qenit lojtari i parë i mitur që shënoi në El Clasico.
