Mohamed Salah është kritikuar për infektimin me Covid-19 në dasmën e vëllait të tij. Mido shqetësohet se si ka ndodhur një situatë e tillë, me yllin e Liverpool duke u përzier me qindra dashamirës, gjatë një ceremonie në Kajro, megjithëse masat e distancës sociale ishin të detyrueshme në vend dhe në të gjithë botën. Egjipti dhe Liverpool tani janë duke llogaritur koston e këtyre vendimeve.
Ish-sulmuesi i Ajax dhe Tottenham, Mido, i tha “Al-Nahar TV”: “Unë e di që mund të jem nën sulm, pas komenteve të mia të rradhës, por duhet të jetë kështu. Mohamed Salah bëri një gabim të madh, duke marrë pjesë në dasmën e vëllait të tij, disa ditë para ndeshjes së ekipit kombëtar. Ai tregoi neglizhencë të madhe me hapat e ndërmarrë për të parandaluar koronavirusin dhe rezultati ishte infektimi. Neglizhenca e Mohamed Salah bëri që kombëtarja egjiptiane të humbasë një lojtar të rëndësishëm në një ndeshje dhe kohë shumë të rëndësishme. Ai gjithashtu rrezikoi shëndetin e shokëve të tij të skuadrës. Salah nuk duhet të kishte qenë i pranishëm në dasmën e vëllait të tij, veçanërisht në atë kohë”.
Dasma përfshiu më shumë se 800 persona, gjysma e tyre pranuan të përqafonin dhe puthnin Salah. Mido shton akuzën e tij: “Pika tjetër këtu është heshtja e të gjithë atyre që janë përgjegjës për neglizhencën e lojtarit, i cili konfirmon faktin se Salah është akoma më i madh se ekipi kombëtar. Kjo do të na çojë në një dështim të madh. Kur humba Kupën e Kombeve Afrikane 2006, u ndëshkova, duke humbur finalen dhe u përjashtova nga ekipi kombëtar për gjashtë muaj. Unë isha i ri dhe mendoj se jam më i vjetër se ekipi, por konfirmoj tani se askush nuk është më i madh se kombëtarja.
Dhe nëse dikush mendon për këtë, ky do të jetë një dështim i madh. Zyrtarët në Egjipt nuk i thanë asnjë fjalë Mohamed Salah, pavarësisht demit të shkaktuar nga neglizhenca e tij në kombëtare. Të gjithë janë frikacakë, kanë frikë nga tifozët e Mohamed Salah, që e duan yllin e Liverpool, por këtu po flas pa llogaritje dhe pa frikë nga askush. Çfarë duhet thënë, le të thuhet. Salah duhet të ishte fajësuar për atë që bëri, por të gjithë ndiejnë frikë”.
