Pas humbjes së dyfishtë në Champions ndaj Real Madridit, Antonio Konte pritet nga një test i mëtejshëm: ndeshja e së shtunës kundër Sasuolos.
Nëse zikaltërit nuk tregojnë shenja zgjimi, përkundër të gjitha problemeve që lidhen me pagën e Kontes dhe buxhetin, klubi do të jetë në gjendje të ndërhyjë.
Analistët e basteve e dinë mirë këtë dhe në orët e fundit ata tashmë kanë filluar të përcaktojnë se kush mund të zërë vendin e tij. Një nga emrat e nxehtë të konsideruar nga ekspertët është Luçiano Spaleti, tashmë në dispozicion të pronarëve të Suning pasi ai është ende nën kontratë deri më 30 qershor të vitit 2021. Kthimi i ish-trajnerit të Romës, raporton “Agipronews”, ofrohet me koefiçentin 12.00.
Është e sigurt se gjithçka do të varet nga ndeshja në “MAPEI Stadium”, por mbi të gjitha nga rezultatet negative nga tani deri në Krishtlindje.
Sidoqoftë, “bookmakers”-at hapen gjithashtu mundësinë për të parë një toskan tjetër në stolin e Interit, Masimiliano Alegrin.
Një opsion që sot mund të jetë mbi buxhetin për Interin, megjithëse Bepe Marota do të ishte i gatshëm ta mirëpriste atë, për shkak të krizës ekonomike që po kalon bota e futbollit. Kjo hipotezë vendoset në dërrasën e zezë me koefiçentin 6.00.
