Për momentin nuk ka të reja, në kuptimin që gjërat janë ashtu siç janë. Por në zyrat e federatës italiane të futbollit ka filluar presioni për kontratën e Roberto Mançinit.
Presidenti Gabriele Gravina dëshiron që Mançini të hedhë sa më shpejt firmën në kontratë, e cila skadon në vitin 2022, pra pas Botërorit të Katarit.
Është e qartë se për një projekt më të rëndësishëm dhe jetëgjatë është nevoja për një kontratë të re. Si për çudi, është Roberto Mançini ai që nuk po nxitohet. Po merr gjithçka me qetësi dhe të ecë hap pas hapi drejt ringritjes së Italisë. Megjithatë, priten zhvillime në ditët e ardhshme.
