Interi e ka seriozisht për Rodrigo De Paul. Sipas asaj që kanë mësuar mediat italiane, zikaltërit kanë nisur kontaktet me agjentin e futbollistit argjentinas.
Sulmuesi i Udineses është një emër shumë i fortë për merkaton, ndoshta që në janar, edhe pse ka më shumë të ngjarë që gjithçka të finalizohet për sezonin tjetër.
Futbollisti i klubit friulian shpesh ka thënë se ka ardhur momenti të bëjë kërcimin e tij në një klub me ambicje më të mëdha se thjesht mbijetesa.
Natyrisht, do të duhet që zikaltërit të heqin disa lojtarë ose të sakrifikojnë dikë, por fillimisht duhet parë se çfarë do të ndodhë gjatë sezonit.
