Bylisi pret Laçin në “Adush Muça”, në ndeshjen e parë të Kategorisë Superiore, e cila ka startuar në orën 13:45.
Do të jetë një ndeshje e luftuar nga të dyja skuadrat, që kërkojnë ta nisnin kampionatin me këmbën e mbarë. Laçi është një nga skuadrat që ka bërë shumë lëvizje në organikën e saj.
Megjithatë pavarësisht se shpesh ka skepticizëm për afrimet e kryera, lojtarët e transferuar nga klubi kurbinas e rendisin skuadrën mes pretendentëve për të synuar shumë këtë sezon. Cungu për ndeshjen e sotme nuk kishte luksin për të pasur një organikë të plotë dhe për këtë arsye ka qenë i kushtëzuar për formacionin, teksa në krahun e djathtë ka aktivizuar Emiliano Mustën.
Bylisi kërkon që pas suksesit në Kupë, të vazhdojë me fitore edhe në kampionat, për të zhvilluar një sezon të mirë, si vitin e kaluar, ku deri në dhjetor ishin surpriza e Superiores.
LIVE: BYLIS-LAÇI 1-1
Hadroj 36′ / Nuabueze 49′
Komenti live:
49′ GOOOOL LAÇI 1-1/ Nuabueze barazon nga pika e bardhë e penalltisë. Pas prekjes së topi me dorë brenda zonës nga ana e mbrojtësit Alan, gjyqtari nuk nguron të akordojë 11-metërsh, të cilin e shndërron në gol bomber i Laçit. 1-1.
Mbyllet pjesa e parë
36’ GOOOL BYLIS 1-0/ Aksion mjaft i bukur i ballshiotëve me disa pasime të sakta, e më pas Murataj kroson në zonë, aty ku Hadroji devijon bukur me kokë dhe mposht Alen Sherrin, 1-0 për Bylisin.
1′ Ka nisur sfida!
1′ Ka nisur sfida!