Liverpool zbuloi të enjten se mbrojtësi qendror Joe Gomez kreu një operacion në gju pas dëmtimit në stërvitjen e Anglisë.
“Joe Gomez u operua me sukses sot për të riparuar tendinën në gjurin e tij të majtë. Problemi ndodhej vetëm në tendinë dhe ligamentet nuk ishin dëmtuar. Joe do të fillojë programin e rehabilitimit me stafin tonë mjekësor”, zbuloi Liverpool.
Klubi anglez ka zbuluar se nuk e di se sa gjatë qendërmbrojtësi do të qëndrojë larg fushe, por pranoi se do të jetë një pjesë e madhe e sezonit aktual.
Praktikisht, pas dëmtimit të rëndë të Van Dijk, edhe Gomez dëmtohet. Tani Jurgen Klopp do të hidhet me çdo kusht në merkato në janar për një mbrojtës.
