Ky fillim sezoni ka qenë më i komplikuar nga sa ishte parashikuar për Juventus-in dhe Inter-in. Projekti Pirlo nuk bind akoma plotësisht, ndërsa Conte nuk po arrin ta shfrytëzojë siç duhet merkaton e mirë të bërë në verë.
Bardhezinjtë dhe zikaltrit duhet të reagojnë pas ndërprerjes së kampionatit për shkak të kombëtareve në mënyrë që të konfirmohen si pretendentet kryesore për titullin.
Ndërkohë, jashtë fushës, po përgatisin duele të reja në merkato. Megjithatë, për Paratici-n dhe Marotta-n duket se do të vijë një befasi e vërtetë.
Të dy klubet kanë vënë në shënjestër Junior Firpo-n. Mbrojtësi i krahut i Barcelona-s është përmendur shpesh për një kalim tek Inter-i gjatë verës.
Juventus e shikon si një alternativë cilësore në krahun e majtë, kur prania e vetëm Alex Sandro-s dhe i të riut Farbotta-s nuk është e mjaftueshme. Gjithsesi, duket se Barcelona ka objektiva të tjerë për Firpo-n.
Qëllimi është të përfshihet në një marrëveshje me Valencia-n për Gaya-n, i cili shihet si pasardhësi ideal i Jordi Alba-s. Një këmbim që do të nxirrte jashtë loje Juventus-in dhe Inter-in, që tani duhet të përgjigjen me një ofertë të rëndësishme për të ndryshuar planet e Barçës.
