Myrto Uzuni zhvilloi një paraqitje shumë të mirë në miqësoren “vëllazërore ndaj Kosovës, duke dhënë asist dhe duke shënuar. Pas përfundimit të ndeshjes, sulmuesi beratas për “Supersport”, u shpreh se është i lumtur për golin, por më shumë është i lumtur që kaloi situatën e vështirë nga Koronavirusi.
“Goli më kishte munguar, por mund të them se ndihem mirë që e kalova situatën e vështirë pas Koronavirusit. Nuk jam 100%, pro mendoj se bëra mirë në krahun e majtë, kjo na dha rezultatin sot.
Kalimi te Ferencvarosh? Kam kaluar te një ekip më i fortë dhe jam rritur shumë. Ndeshjet e radhës? Duhet të mendojmë fortë për ndeshjen e parë në Ligën e Kombeve, për të marrë më të mirën.”, u shpreh Uzuni.
