Ylli i Liverpool-it, Mohamed Salah, ka dalë në mbrojtje të Roberto Firmino-s.
I pyetur në një intervistë me beIN SPORTS se kush duhet të luajë titullar kundër Manchester City-t të dielën mes Diogo Jota-s dhe Firmino-s, Salah refuzoi të jepte një përgjigje.
“Unë nuk mund të vendos për këtë, i takon trajnerit”, ka thënë egjiptiani.
“Por nuk mund të harroj se çfarë i ka dhënë skuadrës Firmino. Nuk mund të thuash që të ulet në stol sepse ka shënuar më pak gola se më parë”.
“Ai i ka dhënë klubit gjithçka. Krijon shumë raste për ne. Mënyra si luajmë ne i ul shanset që ai të shënojë. Ne kemi luajtur bashkë për katër vitet e fundit dhe është normale të mos shënosh në çdo ndeshje”.
“Ajo që ka rëndësi është se çfarë arrin skuadra dhe unë mendoj se ne e ndihmojmë shumë skuadrën”.
