Një tetor dhe nëntor për t’u harruar për Francesco Totti. Pasi humbi babanë e tij, Enzo, më 12 tetor për shkak të ndërlikimeve në lidhje me Covid-19, për rreth dy javë, ish-kapiteni i Romës ishte mbyllur në karantinë, në shtëpi, pasi u testua pozitiv edhe vetë. Totti ka pasur vetëm disa simptoma, kryesisht ethe, dhe është izoluar në vilën e tij.
Natyrisht, i distancuar edhe nga fëmijët, ndihet vetmia e karantinës. Izolimi erdhi në momentin më të keq, kur ai do të donte që miqtë pranë tij të përpiqeshin të argëtoheshin dhe të mos mendonin për humbjen e babait të tij. Gjithashtu, këtë mëngjes, trishtimi u bë i dukshëm dhe Francesco donte të përçonte melankolinë që po ndjen për mungesën e babait të tij.
“Më mungon”, – është mesazhi i publikuar në Instagram, shoqëruar me këngën e famshme të Fausto Leali. Nuk mungon as imazhi i Totti dhe Enzo së bashku. Vetëm koha do të përpiqet t’ia lehtësojë dhimbjen.
