Uzuni është kthyer menjëherë vendimtar te Ferencvaros! Futbollisti shqiptar, që kaloi një periudhë aspak të mirë me Covi-19 dhe në Champions u fut kur skuadra po humbiste ndaj Juventusit, sot bëri diferencën teksa dha asistin e golit të dytë dhe shënoi edhe të tretin për ekipin e tij.
Sulmuesi nga Berati e ka nisur si titullar ndeshjen e sotme shtëpiake kundër Mezokovesd-Zsory, takim që kampionët në fuqi e kryesojnë 3-0.
Minutat shtesë të pjesës së parë sollën edhe golin e Uzunit, i cili mposhti portierin mik me një goditje të lehtë me të jashtmen. Ky ishte goli i parë në këtë sezon në kampionatin hungarez.