Juventus në merkaton e janarit do të rihidhet në sulm për mesfushorin e Sasuolos, Manuel Lokateli.
Ish-mesfushori i Milanit është ndjekur nga drejtuesit bardhezi edhe gjatë sesionit të merkatos verore por pa mundur ta konkretizojë deri në fund tratativën.
Sipas të përditshmes torineze ʺTuttosportʺ, Juventusi është i mahnitur nga paraqitjet dhe cilësitë e italianit dhe do të ishte e gatshme ta provojë për ta bindur që në janar mesfushorin 22-vjeçar, që ka shumë përkrahës dhe në Itali ku Interi e ka çmuar që në kohën kur vishte fanelën kuqezi.
