Kombëtarja ukrainase e futbollit nën ʺkthetratʺ e koronavirusit. Katër lojtarë dhe një pjesë e stafit kanë rezultuar pozitiv me COVID-19, midis tyre janë, sulmuesi i Uest Hem Andri Jarmolenko, Serhi Sidorçuk, Viktor Kovalenko dhe Viktor Tsigankov.
Të 5 të infektuarit janë vetë-izoluar në hotelin në qytetin e Lajpcigut në Gjermani ku do të sfidohen me ish-kampionët e botës mbrëmjen e sotme për kompeticionin e Ligës së Kombeve.
Këtë lajm e ka publikuar Federata Ukrainase e Futbollit në një komunikatë për shtyp. Aktualisht trajneri ukrainas Andrij Shevçenko ka në dispozicion për sfidën ndaj Gjermanisë vetëm 17 lojtarë.
