Nuk vijnë lajme të mira nga Nigeria për Napolin. Viktor Ozimhen i cili ishte impenjuar me kombëtaren e tij, është dëmtuar në sfidën e sotme ndaj Sierra Leones të përfunduar me rezultatin 4-4.
Sulmuesi 21-vjeçar ka arritur të shënojë një gol dhe të dhurojë një asist në ndeshjen e sotme të zhvilluar për Kualifikueset e Kupës së Afrikës. Talenti i Napolit u dëmtua 10 minuta përpara fundit të sfidës duke dalë jashtë fushe me barrelë.
Sipas raportimeve nga mediat vendase thuhet se sulmuesi nigerian ka thyer kyçin e dorës. Gjendja e tij do të vlerësohet në orët e ardhshme, por mbetet një shqetësim në shtëpinë e Napolit ku në përballjen delikate ndaj Milanit mund të mos kenë në dispozicion një nga lojtarët më kryesorë të skuadrës.
Viktor Ozimhen u transferua këtë verë nga Lilë tek Napoli me një shifër rekord për të “kaltërit” prej 80 milionë eurosh.
