Në prag të sfidës së Europa Ligës ndaj Lilë në “San Siro” e cila do të zhvillohet nesër në orën 21:00, trajneri i Milanit Stefano Pioli shfaqet i qetë në konferencën për shtyp duke parë fitoret ndaj Sëlltikut dhe Spartës së Pragës që me një triumf të nesërm kuqezinjtë do mund të hipotekojnë kalimin e grupeve:
Lojtarët e rinj të Milanit – “Jemi një skuadër e re, por edhe e pjekur në të njëjtën kohë. Objektivi ynë është të komandojmë ndeshjet.”
Të parët në kampionat dhe Europa Ligë – “Kam besuar gjithmonë tek djemtë e mi. Ne provojmë të fitojmë gjithmonë, por jemi akoma në fillim.”
Përmirësimi i mëtejshëm i skuadrës – “Nga këndvështrimi teknik në metrat e fundit të zonës duhet të jemi më preciz. Sulmi është duke bërë mjaft mirë, por mjafton të jesh më finalizues dhe rrezikshëm.”
Brahim Diaz dhe Dalot – “Kanë shumë kualitet. Jemi të befasuar që u gjendën gati dhe u ambjentuan aq shpejt. I kuptuan shumë shpejt mekanizmat tonë, janë të rinj me shumë seriozitet dhe dëshirë.”
Rotacioni – “Stërvitja e sotme do të jetë e rëndësishme. Mendoj se do të ketë përsëri rotacion, kemi nevojë për freski fizike dhe mendore. Nuk do të jetë një sfidë deçizive.”