Trajneri i Belgjikës, Roberto Martinez, është kthyer të flasë për sulmuesin e tij, Romelu Lukaku.
“Marrëdhënia ime me Romero-n lind kur ishte një lojtar i ri dhe erdhi tek Everton-i në huazim. Më pas bëmë një sforcim të madh për ta marrë dhe ai ishte transferimi më i shtrenjtë deri në atë moment”.
“Mund ta shikosh lojtarin të kalojë disa faza, momente të bukura, të shëmtuar, por ajo që kemi parë me Lukaku-n është se nuk e ka humbur kurrë cilësinë e tij të jashtëzakonshme, që është shënimi i golave”.
Manchester dhe Inter – “Te Manchester United donte të fitonte në mënyrë të dëshpëruar trofe dhe ka marrë shumë përgjegjësi, duke marrë përsipër më shumë faje se duhet, sipas mendimit tim, në mënyrë shumë të padrejtë”.
“Por tek Inter-i është në qendër të një projekti të ri. Aty ka transformuar atë ndjenjë përgjegjësie dhe ato vështirësi që kishte në Angli në mënyrë pozitive. Sipas meje, tani është në momentin më të mirë të pjekurisë në karrierën e tij”.