Pas lajmit se Roger Federer nuk do të luajë në grand slam-in e Australian Open, organizatorët kanë marrë vendim për të ftuar në Melburn një tjetër ish-numër 1.
Bëhet fjalë për britanikun Andy Murray.
33-vjeçari ka dalë 5 herë në finale e këtij turneu, por nuk e ka fituar asnjëherë. Aktualisht ai ndodhet në vendin e 122-të të botës dhe për të marrë pjesë në Australian Open kishte nevojë për një “wild card” (ftesë).
Murray do të luajë më herët (7-13 janar) në turneun e Delray Beach dhe më pas do të luajë në Australian Open (nis më 8 shkurt).