Edhe pse ende nuk ka vendosur se çfarë do të bëjë vitin e ardhshëm, do të rinovojë apo jo me Mercedes, Lewis Hamilton sqaron se kur do të tërhiqet nga Formula 1. Piloti britanik, 7 herë kampion bote, i ka të qarta idetë në lidhje me momentin kur do t’i thotë “lamtumirë” sportit të garave.
“Kur nuk do të jem më në gjendje të ruaj të njëjtën paraqitje si sot dhe do të shoh se do të jem larg fitores, atëherë do të largohem. Nuk do të tronditem nga ideja se do të tërhiqem nga Formula 1. Gjithsesi, nuk do të largohem kaq shpejt nga Formula 1, por as shumë vonë”, tha Hamilton.
