Manchester City është ndalur përsëri në kampionat.
Skuadra e Pep Guardiola-s ka marrë barazimin e dytë radhazi pasi nuk ka arritur të shkojë më larg se një barazim 1-1 kundër WBA-së në javën e 13-të të kampionatit.
Qytetarët kanë kaluar në avantazh në minutën e 30-të me Gundogan, por janë ndëshkuar të 43-ën pas një autogoli të Dias.
Ky ka qenë goli i parë i pësuar nga skuadra e Pep në 10 orë e 8 minuta në të gjitha kompeticionet, pas golit të Giovani Lo Celso për Spurs në nëntor.
Rezultati ka mbetur i pandryshuar në pjesën e dytë dhe WBA ka arritur të largohet me një pikë nga Eithad Stadium.
City është ngjitur përkohësisht në vendin e gjashtë të renditjes me 20, ndërsa WBA mbetet në vendin e parafundit me 7 pikë.
