Bayern Munich sot ka marrë një lajm të mirë pas shortit të hedhur në Nyon për sa i përket fazës së 1/8-ve të Champions League, që do ta shohë përballë Lazios.
Për herë të parë që pas operacionit të kryer pas datës 7 nëntor, kur edhe luajti Klassiker kundër Borussia Dortmund, talenti Joshua Kimmich është kthyer në stërvitje me ekipin e Hansi Flick.
Kimmich operoi gjurin e djathtë dhe periudha e rehabilitimit ka mbaruar, ndaj do të duhej edhe pak kohë përpara se ta shohim në fushë.
Gjithashtu, edhe Niklas Süle u kthye në terrenin e stërvitjes të hënën pasi humbi ndeshjen kundër Union Berlin të shtunën.
Ekziston edhe një lajm i mirë për Javi Martínez: 32-vjeçari përfundoi një seancë vrapimi sot.
Martínez pësoi një dëmtim në kofshën e majtë në ndeshjen në shtëpi kundër RB Leipzig javën e kaluar.
Leon Goretzka, i cili u zëvendësua për shkak të një dëmtimie në ndeshjen kundër Union Berlin, pushoi sot.
