Pushimet e Krishtlindjeve tani kanë filluar, dhe Lacio do të ulet në tryezë dhe do të përpiqet të gjejë energjinë e nevojshme për të rifilluar udhëtimin e tyre në kupë dhe në kampionat në mënyrën më të mirë të mundshme. Sidoqoftë, sipas asaj që thuhet nga media “Cittaceleste.it”, Klaudio Lotito nuk do të ishte në gjendje të gëlltiste humbjen ndaj Milanit në kampionat.
Goli i minutës së fundit do të dukej se kishte prishur pushimet për numrin një të bardhekaltërve. Presidenti i Lacios do të kishte drejtuar gishtin drejt Simone Inzagit për zëvendësimet gjatë ndeshjes në zhvillim, dhe kundër drejtorit të sportiv Igli Tare për disa blerje që nuk kanë qenë me vend.
Në këto dhjetë vjet në të cilat Igli Tare ka mbajtur rolin e drejtorit sportiv, shumë baste janë fituar por po aq sa kanë humbur. E njëjta gjë vlen edhe për Vedat Muriqin, paguar 20 milionë euro. Dje ndaj kuqezinjve, qendërsulmuesi kosovar luajti një pjesë të lojës, pasi u zëvendësua me Hoakin Korrea në vend të Felipe Kaisedos që thuhej se ishte i dëmtuar. Sidoqoftë, prova e tij u konsiderua e pamjaftueshme. Për këtë arsye, tërbimi i Lotitos, do të hidhej mbi anëtarët e stafit të tij më të afërt. Merkato e Tares do të kishte qenë e papërshtatshme, siç do të kishin qenë ndryshimet e bëra nga Inzagi në takimin e fundit.
Tani ka një pushim rreth një javë. Pas kësaj më datë 3 janar 2021 Lacio do të kthehet në fushë dhe do ta bëjë këtë ndaj Xhenoas. Në letër, sfida duket më shumë sesa brenda mundësive, por këtë sezon tashmë ka disa pikë të humbura në letër kundër ekipeve që konsiderohen të përballueshme.
