Roma u përball në shtëpi me Kaljarin ditën e djeshme në ndeshjen e fituar me rezultatin 3-2. Në stadiumin “Olimpiko”, Marash Kumbulla u kthye titullar në qendrën e mbrojtjes për kryeqytetasit, duke luajtur 63 minuta, përpara se t’i linte vendin Ibanjezit.
Madje mbrojtësi shqiptar i shkoi shumë afër golit, teksa në minutën e 30’, pas një krosimi perfekt të marrë nga goditja e këndit, gjuan bukur me kokë, por shikon topi i ndalet nga portieri Kranjo.
Kumbulla nuk i beson syve, pasi dukej një gol thuajse i sigurt për nga mënyra se si e gjuajti topin, por portieri i Kaljarit, bëri “heroin” në këtë rast.