Skuadra e femrave e Barcelona-s do të luajë në La Liga kundër Espanyol derbin e 6 janarit të ardhshëm në orën 18:00.
Lojtaret e Luis Cortes, që nga 2019-ta luajnë në stadiumin Johan Cruyff, do të zbresin në fushën e Camp Nou për 50-vjetorin e ndeshjes që skuadra e fermave e Barcelona-s ka luajtur në të njëjtën fushë më 25 dhjetor të 1970-ës, një ekip që është konsideruar embrioni i futbollit të femrave të Barçës.
Ditën e Krishtlindjes së 1970-ës, pionieret e klubit katalanas, me emrin Seleçión Ciudad de Barcelona dhe të drejtuara nga portieri legjendar Antoni Ramallets, kanë luajtur një ndeshje kundër Union Deportiva Centelles, e mbyllur pa gola, që ka qenë një prelud i ndeshjes së ekipit të parë të meshkujve kundër CSKA-së së Sofjes.
Ajo ndeshje, e luajtur në Camp Nou para 60 mijë personave, ka hyrë në historinë e Barça Women, edhe pse në atë kohë nuk mund të vishnin ngjyrat e klubit ose të përdornin emrin e tyre, nga momenti që nuk ishin zyrtarisht pjesë e klubit.
Stadiumi ka pritur edhe dy ndeshje të femrave në 1967-ën dhe në 1969-ën, po ishin skuadra që ishin krijuar vetëm për atë rast. Në ndeshjen e 6 janarit të ardhshëm kundër Espanyol në Camp Nou, Barça Femenino do të jetë përsëri protagoniste e një arritjeje historike.
Dhe këtë herë lojtaret do ta bëjnë si profesioniste, fryt i angazhimit të marrë nga klubi për të nxitur futbollin e femrave.
