Nikolin Çoçlli trajneri i cili mori drejtimin e Apolonisë pas largimit të italianit Kolela, nuk do të jetë më në krye të skuadrës fierake.
Burime të sigurta të gazetës bëjnë me dije se Apolonia e ka shkarkuar Çoçllin nga posti i trajnerit dhe provizorisht në krye të ekipit për ndeshjen me Teutën do të jetë Bledar Borova, që ka qenë edhe zv. trajneri i ekipit të parë dhe trajner te ekipet e moshave.
Çoçlli e drejtoi Apoloninë në 3 ndeshje, ndaj Kukësit, Skënderbeut dhe Tiranës, ku arriti 1 fitore ndaj ekipit korçar dhe dy humbje ndaj dy skuadrave pretendente. Pritet që në ditët e ardhshme te Apolonia të emërohet një trajner i ri.