2021 do të jetë një vit i rëndësishëm dhe i bujshëm në shtëpinë e Xhenoas. Pas gati 15 vitesh në krye të presidencës së kuqebluve, Enriko Preciozi është i gatshëm të shesë të gjitha aksionet e klubit më antik në Itali.
Kjo mbështetet nga botimi i të përditshmes “La Repubblica”, të bindur se rreth mesit të janarit, fijet e një negocimi të ndërprerë në fillim të vjeshtës do të lidhen përsëri.
Blerësi i mundshëm i klubit nga Liguria do të jenë, “Made in Italy Investiment”, një shoqëri piemonteze e udhëhequr nga Pier Domeniko Garrone dhe Andrea Brucone.
Gjithnjë sipas “La Reppublica”, të dyja palët do të kishin arritur një marrëveshje dy muaj më parë, duke vendosur çmimin e transaksionit rreth 30 milionë euro plus gjendjen e të gjitha borxheve të papaguara. Preciosi dhe “Made in Italy” ishin me të njëjtin mendim që do të uleshin në fillimin e Vitit të Ri.
