Mesfushori spanjoll Isco Alcoron pritet të largohet nga Real Madridi.
Ylli i “Los Blancos” nuk ka qenë i kënaqur me hapësirat në këtë sezon dhe ka kërkuar largimin nga “Santiago Bernabeu”.
Ofertat në drejtim të tij nuk mungojnë pasi skuadra të mëdha si: Manchester United, Chelsea, Napoli e së fundmi edhe Milan po kërkojnë shërbimet e spanjollit.
E përditshmja spanjolle “Marca” shkruan se Milani ka filluar bisedimet me Florentino Perezin për yllin spanjoll.
“Rossonerët” janë gati të shpenzojnë 55 milionë euro për transferimin e spanjollit.
Reali kërkon të paktën 70 milionë euro për lojtarin, por Marca shkruan se oferta e Milanit prej 55 milionë mund të rritet me 10 milionë euro të tjera në formë bonusesh.
27-vjeçari ka pranuar se dëshiron një aventurë tjetër dhe destinacioni i tij i ardhshëm është mes Anglisë dhe Italisë.
