Dihet tashmë që Felipe Melo është një nga ata futbollistë me temperament të fortë. Kjo sjellje e ashpër e tij në fushë, rrjedhimisht e shtyn drejt realizimit të shumë ndërhyrjeve të gabuara dhe të dënuara, duke u përkthyer në kartona. Ja pse, për të dytin vit radhazi ish-mesfushori i Inter është votuar si futbollisti më i dhunshëm në kampionatin brazilian.
Konkretisht mesfushori brazilian është njëherësh edhe futbollisti i Palmeiras që është ndëshkuar me më shumë kartonë. Në sondazhin e realizuar nga UOL Esporte, mbi lojtarin më të dhunshëm të vitit 2018, ku kanë votuar të gjithë futbollistët e ligës kryesore braziliane, Felipe Melo ka marrë jo pak por 51,8% të votave, me një diferencë të jashtëzakonshme nga vendi i dytë ku u klasifikua Fagner i Corinthians që mori 11,3% të votave.