Alvaro Morata është një nga lojtarët më të përmendur momentalisht në rrjetet sociale, kjo jo për shkak të ndonjë goli apo asisti, por për shkak të një rasti të humbur.
Në minutën e 14’, spanjolli kishte mundësinë të kalonte Juventusin në avantazh ndaj Atalantës, teksa pas një pasimi të dhënë për Ronaldon, topi i kthehet pas.
Megjithatë sulmuesi bëri më të vështirën, duke e gjuajtur topin aq dobët me pjesën e pasme të këmbës, sa nuk kishte fuqinë për të shkuar në rrjetë. Kaq mjaftoi që në rrjetet sociale të fillonte të bënte xhiron rasti i humbur i Moratës, ku nuk mungojnë as talljet me sulmuesin e Juventusit.
