Ditë e veçantë për Milanin dhe tifozët kuqezinj. 16 dhjetori përkon më ditën e krijimit të klubit italian, që ka bërë histori në futbollin italian dhe atë botëror. Një moment i bukur për të festuar, duke ditur që Milani pas shumë kohëve, kryeson kampionatin dhe ka bërë tifozët të ëndërrojnë, pas disa viteve në vështirësi. Plot 121 vjeç mbush sot Milani, i krijuar më 16 dhjetor të vitit 1899. Arritje të mëdha ka bërë klubi kuqezi, sidomos në kohën e Berluskonit, ku arriti të fitojë gjithçka.
Në këtë ditë të veçantë të klubit, nuk mund të mungonin edhe urimet nga shumë persona, të cilët kanë qenë pjesë e skuadrës në të kaluarën. Liga e Serisë A gjithashtu ka bërë urimin në faqen zyrtare, për të pasuar më pas me urimin e presidentit Skaroni që ka shkruar: “121 vjet histori, dashuri, pasion, besnikëri, krenari e fitore. Është një e ardhme për tu shkruar e ndërtuar së bashku. Gëzuar ditëlindjen Milanit tonë”.
Faqja zyrtare e Milan kujtoi më pas se si në 16 dhjetor është edhe data e trofeut të fundit ndërkombëtar të kuqezinjve: fitorja, 13 vjet më parë, e Botërorit për klube kundër Boca Juniors në finalen e Yokohamas.
121 anni: storie di capitani leggendari, trofei e vittorie. 🔴⚫️
Buon compleanno @acmilan! 🎂🎉#SerieATIM #WeAreCalcio pic.twitter.com/N7GnELSAhB— Lega Serie A (@SerieA) December 16, 2020
